குறும்படம் சொல்லும் கதைகள்

இக்காலத்தில் குறும்படம் கொண்டு சொல்ல எல்லா இளைஞரிடமும்  ஒரு கதை உள்ளது. ஒரு குறும்படத்தின் வெற்றி அதில் உள்ள உணர்சிகளை  நன்றாக படம்பிடித்து காட்டுவதில் தான் உள்ளது. அண்மையில் பல குறும்படங்கள் முழு நீழ படமாக மாறி வருகிறது. அதுமட்டுமின்றி குறும்படங்கள் வெள்ளி திரையில் நுழைவதற்கு ஒரு துடுப்பு  சீட்டாகிவருகிறது. ஆனால் உண்மையில் ஒரு குறும்படத்தை படைப்பது அவ்வளவு எளிதா?

"லிட்டில் ஷோ அவார்ட்ஸ்-2014” விருதினை பெற்ற கனேஷ் குமார் மோஹனுடன் ஒரு சந்திப்பு

'குட்டிமா' என்ற குறும்படம் இந்த ஆண்டு 'லிட்டில் ஷோ அவார்ட்ஸ்'இல் 600க்கும் மேற்பட்ட குறும்படங்களுடன் போட்டியிட்டு நான்கு விருதுகளை தட்டிச்சென்றது. இந்த குறும்படத்தில் ஒரு பாட்டிக்கும் பேரன்னுக்கும் உள்ள  உறவினை அழகாக படம்பிடித்து காட்டியிருக்கிறார் படத்தின் இயக்குனர் கணேஷ் குமார் மோகன். 

ரஞ்சனி: இக்கால குறும்படங்களிலிருந்து மாறுபட்ட 'குட்டிமா' திரைக்கதை எப்படி உருவானது?

கணேஷ்: நான் புதிதாக எதுவும் செய்ய நினைக்கவில்லை. நான் கொடுக்க நினைத்தது ஒரு எளிமையான, உண்மையான குறும்படம்.  என் பாட்டிக்கும்  எனக்கும் இடையே நிகழ்ந்த பசுமையான தருணங்களை என் மனதில் நினைவுகொண்டபோது ஏற்பட்டதுதான் 'குட்டிமா'. எங்களிடையே உள்ள உறவு ‘எலியும்-பூனையும்’ போன்றது. தலைமுறை இடைவெழியால் நடக்கும் இந்த சிறு சிறு உணர்சிகளை காட்டுவது தான் என் குறும்படம். 

ரஞ்சனி: குறும்படம் என்றாலே அது குறிப்பிட்ட காலவரையறை தான் இருக்க வேண்டும் என்று ஒரு பொது கருத்து உள்ளது. இது சரியா?

கணேஷ்: ஒவ்வொரு கதைக்கும் அதன் சொந்த கால வரையறை தான் இருக்க வேண்டும் என்று நான் நினைகிறேன். ஒவ்வொரு திரைப்பட தயாரிபளருக்கும் அவர்களின் சொந்த பாணி உள்ளது.

ரஞ்சனி: இக்கால சூழ்நிலையில் ஒரு குறும்படம் எடுப்பதில் உள்ள பிரச்சனைகள் என்ன? 

கணேஷ்: முந்தய நாட்களைவிட இப்பொழுது குறும்படம் எடுப்பது வெகு சுலபமாக ஆகி வருகிறது. எனினும், ஒரு குறும்படத்திற்கான ஆவணங்களை கண்டுபிடிப்பது கடினம் தான். பல நடிகர்கள், படம்ப்பிடிபதற்குரிய இடங்கள், கேமராக்கள், தொழில்நுட்பக்கருவிகள் கிடைப்பது சுலபமல்ல.

ரஞ்சனி: சிலநாட்களில் வெள்ளித்திரையில் படையெடுக்க போகிறீர்கள், நீங்கள் அறிமுக இயக்குனராக பங்குபெறும் படம் எந்த நிலையில் உள்ளது? எப்பொழுது வெளிவருகிறது? குறும்படங்கள் சினிமா உலகில் நுழைய துடுப்பு சீட்டு என்று நினைகின்றிர்களா? 

கணேஷ்: குறும்படங்கள் இப்போது ஒரு தயாரிப்பாளரை சந்திக்க வருகை அட்டையாக காணப்படுகின்றன. நான் திரைப்பட இயக்குனர் ஆவேன் என்று நினைக்கவேயில்லை. என் முதல் படத்தின் தயாரிப்பாளர் "5 ஸ்டார் மூவீஸ்" கதிரேசன், அது முழு நகைச்சுவை திரைப்படம். நடிகர்கள், பணிக்குழுக்கள் பற்றிய செய்தி ஆகஸ்ட் அல்லது செப்டம்பர் மாதம் வெளிவர உள்ளது.

ரஞ்சனி: இந்த துறையில் யார் உங்களுக்கு முன்னேற எது  உத்வேகம் தருகிறது?

கணேஷ்: ஒவ்வொரு நல்ல படம் எனக்கு ஊக்கம் தரும். எல்லா படத்தில் இருக்கும் நற்கருத்துக்களை நான் உள்வாங்க முயற்சிக்கிறேன்.

ரஞ்சனி: எப்படி குறும்படம் எடுப்பதில் உங்களுக்கு ஆர்வம் வந்தது?

கணேஷ்: சிறுவயதிலிருந்தே நான் படம் எடுப்பதில் ஆர்வம் கொண்டிருந்தேன். நானே என் படங்களில் நடித்து வந்தேன், என் உறவினர்கள் தான் ஏன் பார்வையாளர்கள். அனால் அதை என் வாழ்க்கை தொழிலாக எடுப்பதற்க்கு தைரியம் இல்லை. அதனால் கணிப்பொறி துறையை தேர்வு செய்தேன். இருந்தும் அதில் என்னக்கு பற்று இல்லை. வேலையை விட்டுவிட்டு என் கனவுகளை தொடர்ந்தேன்.

ரஞ்சனி: நீங்கள் "லிட்டில் ஷோ அவார்ட்ஸ்" 'இல் கைப்பற்றிய விருதுகளை பற்றியும் உங்களுக்கு கிடைத்த பாராட்டுக்களை பற்றியும் என்ன நினைகிறீர்கள்  ?

கணேஷ்: இது உண்மையிலேயே ஒரு மறக்கமுடியாத அனுபவமாக இருந்தது. குறிப்பாக கே. ரங்கம்மா பாட்டிக்கும் விருது கிடைத்ததில் பெருமிதம் கொள்கிறோம். நான்கு விருதுகளை வென்றது இதுவே முதல் முறை. 

குறும்படத்துறை வெகுவாக வளர்ந்து வருகிறது. தொழில்நுட்ப வளர்ச்சியும் அதிகரித்துக்கொண்டே போகிறது. 'லிட்டில் ஷோஸ்' போன்ற தளங்கள் புதிய திறன்களை வெளிக்கொண்டுவர பல விதங்களில் உதவிவருகின்றனர். இருப்பினும் அளவற்ற வல்லுனர்கள் வளர்த்து வரும் துறையானத்தால் சில திறன்கள் இந்த கடலில் காணமல் துலைந்து போகின்றன.